Njoftim: Shpallje për pozicion pune vakant “Përgjegjës i Sektorit të Financës” në Portin Detar Vlorë sh.a.
Në zbatim të ligjit nr. 9901, datë 14.04.2008 “Për Tregtarët dhe Shoqëritë Tregetare”; ligjt nr. 7961, datë 12.07.1995 “Kodi i Punës i Republikës të Shqipërisë”, i ndryshuar, “Porti Detar Vlorë” sh.a, shpall pozicionin e punës vakant “Përgjegjës i Sektorit të Financës”.
- Përgjegjësi i Sektorit të Financës bazuar në Rregulloren e Brendshme të institucionit ka këto detyra dhe përgjegjësi:
Është nëpunës zbatues sipas përcaktimeve të ligjit nr.10296, datë 08.07.2010 “Për menaxhimin financiar dhe kontrollin”, i ndryshuar dhe përgjigjet para nëpunësit autorizues për garantimin e cilësisë së:
- Dokumentit përfundimtar të programit ekonomik të zhvillimit të shoqërisë dhe bashkërendimin e punës gjatë procesit të përgatitjes së tij.
- Raportimit periodik për vendim-marrjen, në funksion të realizimit të objektivave, si dhe të pasqyrave financiare vjetore të shoqërisë në përputhje me kërkesat e legjislacionit në fuqi.
- Garantimin para miratimit të shkresave/urdhrave me karakter financiar, lidhur me ligjshmërinë, rregullshmërinë dhe respektimin e parimeve të ekonomicitetit, efiçencës dhe efektivitetit.
- Mbikëqyrjen dhe menaxhimin efektiv të punonjësve në varësi funksionale të tij si dhe ruajtjen e nivelit të tyre profesional.
- Dokumentimin e të gjitha transaksioneve financiare dhe garantimin e gjurmës së auditimit për të gjitha proceset që ndodhin në njësi.
- Pranimin ose jo të dokumentacionit bazuar në kontrollet pas faktit në përputhje me kërkesat e legjislacionit në fuqi.
- Mbajtjen e sistemit të kontabilitetit, raportimit për vendimmarrjen në funksion të realizimit të objektivave, kontabilizimin e plotë, të saktë dhe në kohë të të gjitha transaksioneve si dhe përgatitjen e pasqyrave financiare të njësisë, në përputhje me rregullat e miratuara nga Ministria e Financave.
- Ruajtjen dhe mbrojtjen e aktiveve dhe të dokumentacionit të njësisë kundrejt humbjeve, vjedhjeve, keqpërdorimit dhe përdorimit të paautorizuar.
- Garantimin e mbledhjes së të gjitha borxheve të paarkëtuara dhe në rastet kur nuk është i mundur të mblidhet ky borxh duhet të ketë dokumentacion të plotë, për të vërtetuar që kryen të gjitha përpjekjet për mbledhjen e tij me përjashtim të rasteve kur përgjegjësia rregullohet me ligje të veçanta.
- Garantimin që të gjithë kreditorët të paguhen në kohë dhe në rastet kur kreditorët nuk janë paguar apo në rast ankesash për mospagesë nga kreditorët, nëpunësi zbatues duhet t’ia shpjegojë rrethanat nëpunësit autorizues.
- Bën një shpërndarje të drejtë të detyrave të të gjithë stafit të Sektorit të Administrimit Financiar dhe ndjek në vazhdimësi zbatimin e tyre.
- Njofton në mënyrë sistematike për debitorët dhe informon në mënyrë kronologjike Administratorin e shoqërisë për gjendjen e tyre.
- Administron së bashku me Drejtorin ekzekutiv mjetet financiare (gjëndje nё banka dhe arkё), nё mёnyrё qё kёto tё pёrdoren me objektivitet dhe efektivitet ekonomik. Ruan respektimin e normativave tё mjeteve tё xhiros dhe ndihmon qё ato tё qarkullojnё sa mё shpejt.
- Brenda afateve të përcaktuara në bazë të përmbledhëses së pagave bën xhirimet në bankë për likujdimin e pagave të punonjësve .
- Bën kontabilizimin e dokumentave sipas bankave që operon mbështetur në kontrollin e dokumentave justifikuese në programin e informatizuar Financa 5.
- Bashkë me Zv/Administratorin harton-detajon dhe ndjek realizimin e programit pёr treguesit financiar tё miratuar nga Aksioneri.
- Së bashku me Zv/Administratorin harton informacionin pёr realizimin e treguesve financiarё mujor, tremujor dhe vjetor dhe ja paraqet Administratorit të shoqërisë.
- Kontrollon të gjithё dokumentacionin bazё tё aktivitetit tё hedhur në kompjuter nga anёtarёt e sektorit. Ndjek detyrimet me tё tretёt, debitorёt e kreditorёt e jashtёm të shoqёrisё.
- Përpilon urdhër xhirimet për llogari të tatim paguesve mbi detyrimet për sigurimet shoqërore dhe shëndetësore, si dhe për tatimin mbi të ardhurat personale brenda afateve të përcaktuara.
- Ndjek dhe verifikon në mënyrë të vazhdueshme lëvizjen e mjeteve monetare në lekë dhe valutë të huaj me të gjitha bankat që operon.
- Bën vlerësimin e punës së personelit të Sektorit së Administrimit Financiar dhe propozon për masa në rast shkeljesh të dispozitave ligjore dhe mosrealizim të detyrave të vartësve.
- Punon për trajnimin e personelit të financës me standardet e kontabilitetit.
Kushtet që duhet të plotësojnë të interesuarit për këtë vend pune:
- Të ketë përfunduar studimet e ciklit të dytë në shkencat ekonomike
- Të ketë përvojë pune jo më pak se pesë vjet në profesion
- Të ketë njohuri të përgjithshme të programit Financa 5 ose Alpha
- Të jetë shtetas shqiptar;
- Të jetë në kushte shëndetësore që të kryejë detyrën e caktuar;
- Të mos jetë i dënuar me vendim të formës së prerë për kryerjen e një krimi ose
- kundravajtje penale me dashje.
- Të jetë i besueshëm për të kryer detyrat e kërkuara si dhe ato shtesë në mënyrë profesionale dhe brenda një kohe të pranueshme.
- Personi duhet të jetë i motivuar dhe të ketë etikë të fortë në punë.
- Të ketë aftësi shumë të mira komunikuese.
Të gjithë të interesuarit duhet të dërgojnë pranë sekretarisë së Portit Detar Vlorë sh.a brenda datës 27.06.2025 dokumentacionin e kërkuar:
1 CV personale e shoqëruar me certifikatat dhe trajnimet.
2 Tre fotografi dhe 1 fotografi në format elektronik.
3 Fotokopje e kartës së identitetit.
4 Certifikatë familjare.
5 Raport mjeko-ligjor.
6 Diploma dhe lista e notave e noterizuar
7 Vërtetim nga Gjykata.
8 Vërtetim nga Prokuroria.
9 Vërtetim i Gjendjes Gjyqësore.
- Kërkesë për punësim
Kandidatët të cilët do të dorëzojnë dokumentacionin e kërkuar sa më sipër do të njoftohen për t’u paraqitur për testimin me shkrim dhe intervistën. Të gjithë kandidatët të kenë njohuri të përgjithshme rreth ligjeve të mëposhtme:
– Njohuri mbi ligjin nr. 9901, datë 14.04.2008 “Për tregtarët dhe shoqëritë tregëtare”;
– Njohuri mbi ligjn nr. 7961, datë 12.07.1995 “Kodi i Punës i Republikës të Shqipërisë”, i ndryshuar,
– Njohuri mbi ligjin nr. 9131, datë 08.09.2003, “Për rregullat e etikës në administratën publike”;
– Njohuri rreth nenit 12, pika 1 të ligjit nr.10296 datë 08.07.2010 i ndryshuar me ligjin nr.110/2015 datë 15.10.2015 “Për Menaxhimin Financiar dhe Kontrollin”
Kandidatët e përzgjedhur për pozicionin vakant, do të njoftohen për t’u paraqitur për intervistë dhe testim me shkrim pranë institucionit.
Vlerësimi i kandidatëve do të bëhet:
-Vlerësimi me shkrim, deri në 85 pikë;
-Intervista me gojë që konsiston në motivimin, aspiratat dhe pritshmëritë e tyre për karrierën, deri në 15 pikë.