Njoftime

Në ambjentet e “Porti Detar” Vlorë sh.a, u zhvillua takimi mbi koordinimin e punës për ofrimin e një shërbimi sa më cilësor në fushën e udhëtimeve turistike detare, ku ishin të pranishëm, drejtuesit e “Porti Detar” Vlorë, përfaqësues nga drejtoria e Kufirit dhe Migracionit, përfaqësues nga drejtoria ADZM-së Vlorë, drejtuesi i Kapitenerisë Vlorë, përfaqësues të UNDP-së, përfaqësues së medias lokale si dhe operatorët të cilët ofrojnë shërbimin e udhëtimit turistik me anije.
Në këtë takim është kërkuar një bashkëpunim i frytshëm midis institucioneve dhe operatorëve për të shmangur të gjitha pengesat që shpesh herë krijohen nga mungesa e shkëmbimit të informacionit.
Takimi ka vijuar me ngritjen e problemaktikave si nga ana e operatorëve po ashtu dhe nga përfaqësuesit e Drejtorisë së Policisë së Kufirit dhe Migracionit si dhe Kapitenerisë Vlorë, ku ndër të tjera është diskutuar për domosdoshmërinë e paisjes së cdo turisti me një dokument indentifikimi, sanksionet që do të merrren në rastin e marrjes së udhëtarëve mbi kapacitetin e lejuar, menaxhimi turmave, ndihma e parë etj.
Në fund të takimit Z.Malaj ka uruar një sezon turistik të mbarë dhe ka treguar dhe njëherë gadishmërinë e “Porti Detar” Vlorë sh.a për të qënë i hapur për çdo lloj bashkëpunimi që do të kërkohet për një sezon turistik sa më të sukseshëm.

Ju njoftojmë se nga data 04.05.2018 deri më 10.05.2018, në kalatën lindore të “Porti Detar” Sh.a Vlorë, për arsye sigurie nuk do të mund të akostohen si anijet e mallrave dhe ato turistike. Arsyeja është sepse do të qëndrojë e akostuar nje anije luftarake e forcave të Natos.

Ju faleminderit për mirëkuptimin.

Akostohet Kroçera “BERLIN” në Portin e Vlorës.

Ditën e sotme është akostuar në Portin e Vlorës Kroçera “BERLIN”. Mësohet se në bordin e saj udhëtojnë rreth 400 turist gjerman të ardhur nga Porti i Kotorrit. Pas vizitës në qytetet turistike të Shqipërisë si Vlora (Llogara), Apolonia e Fierit dhe Berati, destinacioni tjetër i tyre është Porti i Korfuzit.

Krocera “Berlin” pritet të mbërrij ditën e nesërme në Portin e Vlorës.

Mund të thuhet se Porti i Vlorës është kthyer tashmë në një pikë të rëndësishme të itinerarit të anijeve turistike që përshkojnë Mesdheun. Bashkëpunimi i frytshëm mes “Portit Detar” Vlorë sh.a, dhe kompanive turistike vendase e të huaja ka rritur në mënyrë të ndjeshme numrin e turistëve që mbërrijnë në portin e Vlorës. Është hera e dytë që Krocera “Berlin” do të vizitoj Poritn e Vlorës. Nesër në mëngjes (28.04.2018) do të zbulojmë dhe guidën turistike që do të ndërmarrin 400 turistët e ardhur nga Porti i Kotorrit.

Sezoni  veror për këtë vit ka sjellë një numër  të madh pasagjerësh  ,si dhe automjetesh në Portin e Vlorës . Vetëm përgjatë muajit Korrik dhe fillimit të Gushtit kanë hyrë rreth 25.000 pasagjerë .Gjithashtu është vërejtur dhe një numër  në  rritje  i  shtetasve të huaj  kryesisht nga Italia,Zvicra , Gjermania dhe Franca. Sa i përket muajit Gusht deri tani ka shkuar në 9000 pasagjerë në hyrje , ndërsa pritet të kulmojë deri më 15 Gusht.  Për përballimin e fluksit është shtuar dhe numri i sporteleve , janë 9 sportele  në shërbim të qytetarëve. Gjithashtu janë marrë masa në rritjen e forcës së sigurisë.  Gjatë  këtij  muaji  kompania e cila kryen itinerarin Vlorë- Brindizi dhe anasjelltas ka vënë çdo

ditë në linjë tragetin e dytë për përballimin e fluksit.