Njoftim shpallje për 3 (tre) vende pune vakante “Punonjës Sigurie” pranë Sektorit të Forcës së Sigurisë në Portin e Vlorës.
Njoftim shpallje për 3 (tre) vende pune vakante “Punonjës Sigurie” pranë Sektorit të Forcës së Sigurisë në Portin e Vlorës.
Porti Detar” Vlorë sh.a, në zbatim të ligjit nr. 9901, datë 14.04.2008, “Për Tregtarët dhe Shoqëritë Tregtare”, të ndryshuar; ligjit nr.168/2013 “Për Sigurinë në Anije dhe Porte”; Rregullores së Brendshme “Për organizimin dhe funksionimin e Forcës së Sigurisë në Anije dhe Porte”, Udhëzimit, nr. 7, date 11.6.2015, të Ministrit të Transporteve dhe Infrastrukturës “Për përcaktimin e kritereve dhe procedurave të përzgjedhjes së punonjësve të forcës së sigurisë në portet detare të Republikës së Shqipërise”, shpall 3 vende vakante “Punonjës Sigurie”.
Detyrat kryesore to pozicionit:
Punonjësit e Forcës së Sigurisë Portuale kryejnë shërbim në:
Në hyrjet kryesore
Në Patrullë
Në Sallën Operative
Detyrat kryesore të pozicionit:
Punonjësi i FSP ka për detyrë:
- a) Të njohë, mbrojë dhe garantojë zbatimin e ligjeve, akteve nënligjore që ngarkojnë me detyra e kompetenca FSP.
- b) Të njohë strukturën organizative të Portit Detar Vlorë sh.a, FSP dhe strukturave të tjera që operojnë në port.
- c) Të ruajë rrethimin e portit, te mbrojë dhe të ruajë të gjithë sektorët portualë, vlerat dhe infrastrukturat ndaj çdo lloj kërcënimi, qoftë edhe terrorist, duke përdorur mjete apo sisteme vrojtuese audiovizive, pajisje ndërlidhjeje si dhe duke përdorur teknika të ndryshme, duke respektuar ligjet në fuqi;
- d) Të kryejë kontrolle sigurie në hyrje dhe në dalje të portit si dhe të përfshijë kontrolle të gjithë portit nga toka, uji dhe anën e akostimit, sigurimin e cimave të ankorimit të anijeve. Të raportojë të gjitha incidentet dhe cenimet e sigurisë te autoritetet përkatëse si dhe të regjistrojë ato me anë të Formularit të raportimit të incidenteve.
- e) Të ketë njohuri të plota dhe kualifikimin përkatës për përdorimin e pajisjeve të kontrollit të sigurisë, si dhe të njohi mirë procedurat e kontrollit të sigurisë për pasagjerët, bagazhet, automjetet, kontejnerët, anijet etj.
- f) Të marrë masa te menjëhershme për zbatimin e procedurave në rast evidentimi të artikujve të ndaluar dhe të bëjnë raportim për çdo rast.
- g) Të parandalojë veprimtaritë kriminale dhe të raportojë menjëherë tek Policia e Shtetit çdo lloj veprimtarie kriminale dhe hetimi ndaj tyre dhe të marrin masa si: 1) dhënien e ndihmës së nevojshme të dëmtuarve, 2) marrjen e masave për ndalimin e autorëve të ngjarjes, për ruajtjen dhe sigurimin e vendit të ngjarjes deri në ardhjen e punonjësve të policisë së shtetit, 3) sigurimin e të dhënave për dëshmitarët e ngjarjes apo autorët.
- h) Të bashkëpunojë me policinë dhe doganën për zbatimin e procedurave të kontrollit të automjeteve, pasagjerëve dhe anijeve.
- i) Të vlerësojnë çdo informacion që ka të bëjë me raste emergjence dhe të veprojnë me iniciativë dhe me të marrë udhëzime t’i ndjekë ato, me qëllim ruajtjen e jetës dhe pronës, vendosjen e rregullit duke ndihmuar agjencitë pjesëmarrëse për zgjidhjen e situatës.
- j) Të zbatojnë me rigorozitet proçedurat operative në përputhje me urdhrat që jepen nga eprorët e drejtpërdrejtë.
- k) Të kryejnë shërbimin me uniformën e miratuar dhe pajisjet e mjetet që i janë vënë në dispozicion dhe në asnjë rast të mos largohet nga vendi i punës pa marrë leje nga eprori përkatës dhe pa u zëvendësuar
- l) Të marrë në dorëzim dhe të dorëzojnë detyrën me procesverbal, të kontrollojë vazhdimisht pajisjet e sigurisë që përdor në sektorin e shërbimit dhe të njoftojë eprorin përkatës për çdo anomali apo incident që vërehet.
- m) Të njohë komunitetin rrethues dhe zonat më të nxehta të dëmtimit të perimetrit, dhe të raportojë çdo anomali që vërehet gjatë operimit.
- n) Të jetë i familjarizuar me gjithë punonjësit e të gjitha subjekteve që operojnë në port, të njohin mirë detyrat e gjithsecilit, të njohin mirë pajisjet dhe të jenë të familjarizuar me të gjitha rregullat e vendosura për administrimin e çelësave, drynave për hapjen dhe mbylljen e tyre.
- o) Të kontrollojnë vendosjen e rregullt të automjeteve në sheshet dhe kalatat e portit duke lenë rrugë të lire kalimi pa penguar punën për proceset e ngarkim shkarkimit.
- p) Të marrë pjesë në trajnime për kualifikimin e personelit çdo muaj të organizuar në bazë të planit mbi përgatitjen profesionale.
Veprimtaritë e përditshme, masat dhe procedurat e sigurisë si dhe ato operative, përfshirë dhe detyrat e sigurisë për këtë personel, do të jepen nëpërmjet instruksioneve dhe plan-vendosjes së FSPV, të cilat mund të jenë të karakterit kofidencial.
Kërkesat e përgjithshme për përzgjedhjen e forcës së sigurisë.
- Mosha: Kandidatët duhet të kenë moshën mbi 18 vjeç;
- Shtetësia: Kandidatët duhet të jenë shtetas shqiptarë e vërtetuar kjo me dokumentin e identitetit të lëshuar nga organet kompetente;
- Arsimi: Kandidatët duhet të kenë arsimin përkatës të përmendur më poshtë sipas postit që kërkohet (arsim i lartë dhe i mesëm);
- Dëshmia e drejtimit të mjetit: Çdo kandidat duhet të ketë dëshmi për drejtimin e automjetit të lëshuar nga autoritetet kompetente në Republikën e Shqipërisë;
- Karakteri dhe cilësitë morale: Kandidati duhet të ketë karakteristikat dhe integritet moral në përputhje me legjislacionin e Republikës së Shqipërisë për këtë fushë. Kandidati, duhet:
– të mos ketë qenë i dënuar për vepra penale;
– të mos jetë nën hetim për vepra penale;
– të mos ketë histori për keqtrajtim ose abuzim të personave të tjerë, ose prirje për t’u përfshirë në akte të dhunshme, keqtrajtim të personit, ose ndonjë veprimtari tjetër imorale ose jo etike;
– të mos jetë përjashtuar me masë nga funksionet që ka kryer më parë për veprime të jashtëligjshme.
Çdo kandidat do t’i nënshtrohet një kontrolli të imët të së kaluarës së tij, në veçanti, të lidhjeve të tij me krimin e organizuar.
Këto të dhëna vërtetohen nga dokumentacioni që shoqëron kërkesën e kandidatit dhe vërtetimi i të dhënave personale të lëshuar nga Policia e Shtetit në përgjigje të kërkesës së bërë nga Autoriteti Portual/Porti Detar.
- Përdorimi i substancave të jashtëligjshme: Kandidatët nuk duhet të përdorin substanca të jashtëligjshme dhe duhet që në të kaluarën të mos kenë përdorur substanca narkotike, substanca ilegale dhe alkool me tepri.
- Konflikti i interesit: kandidati nuk duhet të ketë konflikt interesi me funksionin që do të kryejë.
- Shikimi: Çdo kandidat duket të shohë normalisht me të dy sytë, mund të ketë shikim pak nën normalen por që mund të korrigjohet me anën e syzeve. Çdo kandidat duhet të jetë i aftë të dallojë ngjyrat. Kandidati duhet të mund të dallojë perspektivën dhe të ketë shikim periferik të mjaftueshëm për të drejtuar një mjet motorik dhe për të kryer detyra normale të sigurisë.
- Dëgjimi: Kandidati duhet të jetë i aftë të dëgjojë normalisht me të dy veshët dhe pa ndihmën e aparateve të dëgjimit.
- Vizita mjekësore: Kandidati duhet t’i dorëzojë Zyrës së Shërbimeve të Brendshme pranë Portit Detar Vlorë sh.a raportin mjekoligjor të marrë në institucionet shtetërore të specializuara për vizitat mjekësore. Ky dokument duhet të vërtetojë që kandidati gëzon shëndet të plotë dhe shikon e dëgjon normalisht. Pranohen vizitat e bëra jo më herët se tre muaj nga dita e nënshkrimit të aplikimit.
Kërkesa të veçanta për të ushtruar detyrën si efektiv i Forcave të Sigurisë të Portit Vlorë.
- a) Kandidatët që aplikojnë për të ushtruar detyrën si efektiv i Forcave të Sigurisë të portit Vlorë, përveç dokumentacionit të parashikuar në Aneksin 1 të Udhëzimit nr.7,datë 11.6.2015, duhet të dorëzojnë një CV të detajuar, të shoqëruar me diplomat dhe certifikatat origjinale ose kopje të noterizuara të tyre, e cila duhet të specifikojë aftësitë e aplikantit për të realizuar detyrat e kërkuara nga ligji për sigurinë në anije dhe porte ku të përfshijë eksperiencën e tij, në punë në porte ose anije dhe të ketë njohuritë e dijet në fushat e mëposhtme përveç kërkesave të përgjithshme të shprehura në nenin 2:
– Të ketë njohuri mbi veprimtaritë që kryhen në Portin e Vlorës dhe të jetë i trajnuar me detyrat specifike që kërkon ky shërbim;
– Të veprojë në mënyrë etike;
– Të ketë aftësi komunikuese.
Ø Të gjithë të interesuarit duhet të dërgojnë pranë “Portit Detar Vlorë” sh.a brenda datës 26.03.2025 dokumentacionin e kërkuar:
1 Formulari i Sigurisë (plotësimi i tij)
2 3 foto +1 foto në disk
3 Fotokopje e kartës së identitetit
4 Certifikatë personale
5 Certifikatë familjare
6 Raport mjeko-ligjor sipas specialiteteve
7 Diplomë dhe listë notash e noterizuar
8 Vërtetim nga Gjykata dhe Vërtetim nga Prokuroria
9 Dëshmi Penaliteti
10 Vërtetim nga Përmbarimi
11 Fotokopje e lejes së drejtimit për automjet
12 CV personale e shoqëruar me certifikatat dhe trajnimet